ඔලිම්පික් විකාශන අයිතිය එම්.ටී.වී/එම්.බී.සී මාධ්‍ය ආයතනයට නෑ

ඉදිරියේ දී පැවැත්වෙන ඔලිම්පික් ක්‍රීඩා උළෙලේ විකාශන අයිතිය ශ්‍රී ලංකා රූපවාහිනී සංස්ථාව හැර වෙනත් විකාශන සමාගමකට පැවරීම වළක්වාලමින් කොළඹ වාණිජ මහාධිකරණය විසින් නිකුත් කරන ලද වාරණ නියෝගය ස්ථීර අතුරු තහනම් නියෝගයක් ලෙස අද(02)යළි ප්‍රකාශයට පත් කර තිබේ.

ශ්‍රී ලංකා රූපවාහිනී සංස්ථාව ඉදිරිපත් කළ පෙත්සමක් සලකා බැලීමෙන් අනතුරුව අධිකරණය විසින් එම්.ටී.වී/එම්.බී.සී මාධ්‍ය ආයතනය සඳහා මීට පෙරාතුව නිකුත් කරන ලද අතුරු තහනම් නියෝගය ස්ථීර අතුරු තහනම් නියෝගයක් ලෙස යළි ප්‍රකාශයට පත් කර ඇත.

කෙසේ වෙතත් අද දින අදාළ නඩුව යළි කැඳවූ අවස්ථාවේ කොළඹ වානිජ මහාධිකරණ විනිසුරු ගාමිණි අමරසේකර මහතා විසින් මෙම ස්ථිර අතුරු තහනම් නියෝගය පනවන ලද බව අද දෙරණ අධිකරණ වාර්තාකරු පවසයි.

ඉදිරිපත් වූ කරුණු සලකා බැලූ අධිකරණය අගොස්තු 27 වන දින දක්වා බලපැවැත්වෙන පරිදි අදාළ ස්ථීර අතුරුතහනම් නියෝගය නියෝගය නිකුත් කර තිබේ.

Share on Google Plus

About Anonymous

This is a short description in the author block about the author. You edit it by entering text in the "Biographical Info" field in the user admin panel.